terug naar de introductie
KRONIJK VAN HISTORISCH GENOOTSCHAP
GEVESTIGD TE UTRECHT.
Vijftiende Jaargang 1859 .
DERDE SERIE. VIJFDE DEEL
Baljuw Rekening , 1305-1307 Bernd van den Dorenwerde
.
.
Baljuw Rekening , 1305-1307.
.
De Heer Mr. J. A. Grothe deelt de onderstaande origineele , op een verscheiden ellen langen perkamenten rol , geschreven rekening mede van Barend van Dorenweerde , gedaan aan den Bisschop van Utrecht, betreffende zijn baljuwschap van Amstelland , over de jaren 1305 , 1306 en 1307.
.
(in dorso
Dit is uutgheven binnen der baeljuscap Bernds van Dorenwerde
daaronder in jongere hand
Bernardus de Dorenwerde fuit balivus Amstellae nomine Guidonis episcopi anno 1305, 1306, 1307.)
.
[A° 1305]
.
Dit is die cost ende dat vutgheven , dat Bernd van den Dorenwerde vut ghegheven hevet in der baeliuscap van Amestel , sint dat hem myn here die biscop die baeliuscap beval .
Dat was in den jaren ons Heren dusent drie hondert ende vive , up sinte Willeborts dach , an goeden ghelde.
(“beval, dat”, betreft 7 november)
.
001
In den eersten des dingsdaghes na sinte Martynsdach reet Bernd te Narden , te besiene hoet in den lande stoede ende daer enen scoute te settene ,
verterde hi in tueen daghen mit hem achtenden xlv s.
(Martijnsdach, betreft hier dus 15 november)
.
002
Item ter selver tijt tueen knechten , die liepen te Muderberghe ende te Helfersem om die scepen ende omme die goede lude alse met hem te proeven wien hi daer best scoute sette
xii d.
(terselver, Hilfersem)
.
003
Item des donresdaghes na sinte Martens daghe was Bernd te Muden , daer enen scoute te setten ,
verterde xv s . ix d.
(Martinsdaghe)
.
004
Item des manendaghes ende des dinsdaghes vor sinte Katerinen daghe was Bernd te Wesepe daer enen scoute te setten , ende sette daer enen , ende sette te Diemen enen scoute
ende verterde xlvij s . vi d .
ende enen bode die haelde die scepen te Diemen vi d .
.
.
005
Item op den selven dinsdach was Ghisebrecht ter Nier Amestel te dingen met alsteen ,
verterde hi iij s .
(up denselven, Alsteen)
.
006
Item op sinte Katerinen dach doe Alebrecht van der Ha , vacht teghen Janne van Zenicvelt te Muden ende dien ghewont hadde ende hem des baelius knapen vengen mitten scoute ,
verterden si iij £ v s.
.
.
007
Item des satersdaghes , des soenendaghes ende des manendaghes na sinte Andries daghe was Bernd tot Amestelredamme ende sette daer enen scoute ende versach t land ,
verterde hi lviij s.
.
.
008
Item ten selven tijt enen bode die liep om alsteen ende die wisheit van den lande mede te spreken ,
ix d.
(ter selver, Alsteen)
.
009
Item des andren donresdaghes na sinte Andries daghe was Bernd te Muden mit hem xv, alse te dinghen jeghen die van Muden , went si Alebrecht van der Ha houden wilden binnen hore vriede ende den here niet laten volghen ,
verterde hi xxx s. vi d.
.
.
010
Item des manendaghes na sinte Niclaus daghe was Bernd ter Bindelmere , daer Dideric die Zale dingende weder Hernart om enen anevanc van tueen coen , ende lach des nachts te Wesepe mit hem achtenden
ende verterde xv s . vi . d .
.
.
011
Item des dinsdaghes na sinte Lucien dach was Bernd jeghen Willem van Spaengen ter Gheyne brugge ende versoenden den dootslach van Dideric Hillen soen , doe bleef hi des nachts te Wesepe
ende verterde mit hem ix xvij s . vi d .
(Hillensoen)
.
012
Item des donresdaghes na sinte Lucien dach was Bernd te Narden , ende versoende die wonde Willekin Alarts broeder van Hilfercem ende dede panden Ricout den Suarten van ghelde , dat sine maghe hadden vervochten ,
verterde hi mit hem achten xv s . iij d .
(suarten)
.
013
Item des manendaghes ende des dinsdaghes vor sinte Thomaes daghe , doe Ghisebrecht vten Wilghen deelde Jan Coppen soens goet jeghen sijns sueers erfname ,
verterde hi xxviij s .
.
.
014
Item tueen knechten , die dat goet te Vredeland brochten , ij s .
.
.
Summa xvij £ v s . iij d .
.
.
015
Item des donresdaghes in die Kerstsweke sende Bernd den Gruter sinen knapen Wesepe in te panden an Ghisebrecht veren Ymmen soen afterstal van Gherard van Aspendelf ,
verterde ij s . vi d.
.
.
016
Item des manendaghes na jaersdach sende Bernd den Gruter te Diemen in te panden an Diedewen Everarts wijf was afterstal van Gherart van Aspendelf
ende verterde iij s .
.
.
017
Item des dinsdaghes vor sinte Ponciaens dach doe was Bernd te Narden teghen die lude die twijf sloeghen ende daer borghen of ontfenc tots heren behoef ,
verterde hi xvi s .
(twijf, Smit geeft hier “’t vijf(!)”)
.
018
Item des dinsdaghes ende des woensdaghes na sinte Pontiaens dach was Bernd tot Amestelredamme tland te versiene ,
verterde hi met sinen knapen xiij s .
.
.
019
Item des andren daghes na sinte Pouwelsdaghe was Bernd te Wesepe ende maecte daer ene zoene van Claus Zidewint ,
verterde hi xij s .
.
.
020
Item des manendaghes vor onser Vrouwen lichtmisse was Bernd ter Bindelmere ende hadde tlant te samen gheboden doe Bernart ende Dideric die Zale om twee coyen dingden , went si hem vermaten mit crachte van den rechte te gane , welc hore so beviele in den rechte ,
verterde hi mitten luden te Wesepe iiij £ xviij s . vi d .
(Lichtmisse)
.
021
Item des woensdaghes na onser Vrouwen lichtmisse doe Vochten Claus mans kinder te Wesepe ende wonden Peter den Gribber ende Colijn Arnoudts Langen soen , die Ghisebrecht vten Wilghen venc mitten scoute ende mitten knapen die hi mit hem hadde , want si se wachten ende brochten te Vredeland ,
verterden si xlviij s . ix d .
(Lichtmisse)
.
022
Item des vridaghes na onser Vrouwen lichtmisse was Bernd te Loenen ende nam in die hant Tols vechten , ende ontfenc daer of borghen ,
verterde hi xx s .
(Lichtmisse)
.
023
Item des dinsdaghes na sinte Agheten dach was Bernd te Narden om die lude die si ghevanghen hadden alse om mortbrand ,
verterde hi iij s .
.
.
Summa xiij £ xiij s . ix d.
.
.
024
Item des donresdaghes vor sinte Valentijns dach was Bernd mit hem xx te Wolfsberghe jeghen die van Narderland , alse die zoene te seggen van den doden wive , des hi niet en dede ,
ende verterde xv s .
.
.
025
Item ter selver tijt sende Bernd enen bode te Wesepe , te Muden ende te Diemen , om die scouten elc mit tueen wisen luden tot hem te comen daer hi die zoene van den doden wive soude gheseghet hebben ,
xviij d .
(terselver)
.
026
Item ter selver tijt enen bode om die selve orbaer tot Amestelredamme ende ter Nier Amstel ,
xviij d .
(terselver, ..mstel (was))
.
027
Item des saterdages voor sinte Valentijns dach was Bernd te Muden om enen vrede te maken tusschen Jan den Wilden ende Oerscheer ,
verterde hi viij s .
(Oescheer)
.
028
Item op sinte Peters avont ende op sinte Peters dach cathedram waren Henric van den Dorenwerde ende Ghisebrecht vten Wilghen tAmestelredamme , bannen in te panden ,
verterden si xi s.
(banne)
.
029
Item des andren ende derden daghes na sinte Mathies daghe waren Henric ende Ghisebeecht ter Ouder ende ter Nier Amstel omme boeten in te panden ,
verterden ix s .
.
.
030
Item des donresdaghes na sinte Mathies daghe doe Ghisebrecht vten Wilghen was ter Ouder Amestel ende verhurde Jan Coppen soens land dat den heren an comen was ,
van coste ende van littope , vi s . iij d .
(litcope)
.
031
Item des manendaghes ende des dinsdaghes vor Midvasten sat Bernd te rechte te Wesepe , van Claus mans kinderen vechten ende dat versoende ,
daer hadde hi mit hem xl manne ,
daer mede verterde iiij £.
(daermede)
.
032
Item des woensdages vor Midvasten was Bernd te Muden alse te seggen die zoene tuschen Janne van Zenicvelt ende Tideman van der Ha ende niet en seghede , went Arnout Scale die mare brochte dat Bernt ontset ware van den here van Arkle ,
verterde hi xxxvi s .
.
.
033
Item des manendaghes na Midvasten was Bernd te Loenen ende seyde die zoene van Tols vechten ,
daer verterde hi xi s . ix d.
.
.
034
Item des woensdaghes ende des donredaghes vor Palmen was Bernd te Muden met enen cogge vol luden ende seide die zoene tusschen Janne van Zenicvelt ende Tideman van der Ha ende Janne den Wilden ende Oeschere ,
verterde hi lvi sc .
(Palme)
.
035
Item Jans Clercs cleder , iiij £ x s .
.
.
Summa xvi £ vi s.
.
.